Mahorat akademiya haqida

Ushbu platformada pedagog xodimlarni uzluksiz kasbiy rivojlantirish, ularga keng qamrovli ilmiy-metodik xizmat ko‘rsatish, ilmiy-tadqiqot ishlariga yo‘naltirish, o‘z-o‘zini rivojlantirishning individual taʼlim traektoriyasini shakllantirish, ilg‘or o‘qituvchilarning ishlarini ommalashtirish hamda ularning uzviy hamkorligini yo‘lga qo‘yish, turli psixologik yordam ko‘rsatish, shuningdek, seminar trening, baholash tizimi va turli fan olimpiadalarini tashkillashtirish ishlari amalga oshiriladi.

Yaratilgan elektron tizim(platforma)da umumtaʼlim maktab o‘qituvchilarning kasbiy ehtiyojlarini aniqlash diagnostikasi, fanlarni o‘qitishning zamonaviy yondashuvlari (STEAM v.b.), xalqaro tadqiqotlarga tayyorgarlik (PIRLS, TIMMS, PISA, TALIS) bo‘yicha yuqori ko‘rsatkichga ega, yetakchi o‘qituvchilarning ilg‘or tajribalari (dars loyihalari, videokontentlari, zamonaviy o‘qitish usullari) taqdim etiladi va elektron muhokamadan o‘tkazish yo‘lga qo‘yiladi, shuningdek, bildirilgan fikrlar asosida umumtaʼlim maktablari uchun takomillashtirilgan didaktik taʼminot yaratiladi.

Biz bilan bilimda, kasbda va ruhiyatda yuksaklikka erishasiz!